ლაშა ტუღუში - „ოცნებას” სერიოზული პრობლემა აქვს საპატრიარქოს გარკვეულ ნაწილთან და ფართო დაპირისპირების კონტურებიც ჩანს - ხელისუფლებას ეკლესიის დაქვემდებარება და ავტორიტეტების განეიტრალება სურს - ლოგიკური ვარაუდია, რომ უკანონო თვალთვალი გრძელდება
პოლიტიკა ·
“ქართულ ოცნებას” სერიოზული პრობლემა აქვს ამჯერად უკვე საპატრიარქოს მინიმუმ გარკვეულ ნაწილთან, თუმცა, ძნელად წარმოსადგენია, რომ დაპირისპირება ვიწრო ჭრილში იყოს. მე ვფიქრობ, რომ აქ ფართო დაპირისპირების რეალური კონტურები ჩანს, - ამის შესახებ „ლიბერალური აკადემიის“ ხელმძღვანელმა, ლაშა ტუღუშმა „პალიტრანიუსის“ გადაცემა “თავისუფალ სტუდიაში” რუის-ურბნისის მიტროპოლიტ იობის ქადაგებასთან და კიდევ რამდენიმე მაღალი იერარქიის სასულიერო პირების განცხადებებთან დაკავშირებით საუბრისას განაცხადა.