სპორტის მინისტრმა ზაიბერსდორფის ლაბორატორია დაათვალიერა
სპორტი ·
საქართველოს სპორტის მინისტრი შალვა გოგოლაძე მინისტრის პირველ მოადგილესთან, ირაკლი მეძმარიაშვილთან, და დელეგაციის სხვა წევრებთან ერთად სამუშაო ვიზიტით ავსტრიაში იმყოფება. ვიზიტის ფარგლებში ცენტრალური ევროპის ანტიდოპინგური ორგანიზაციების გაერთიანების (CEADO) დირექტორთა საბჭოს თავმჯდომარემ და ავსტრიის ეროვნული ანტიდოპინგური სააგენტოს (NADA Austria) აღმასრულებელმა დირექტორმა მაიკლ ჩეპიჩმა მინისტრს ავსტრიის წამყვანი კვლევითი და ტესტირების ცენტრი - „ზაიბერსდორფის ლაბორატორია“ დაათვალიერებინა.