პარალელური ხაზები იკვეთება აქ
არის ისეთი წიგნები, რომლებიც გვიბიძგებენ ფიქრისკენ და უკვე წაკითხულ ტექსტს, ჩვენს გონებაში გადახარშულსა და გათავისებულს, თავდაყირა აყენებენ, შეიძლება შეეჭვდე კიდეც – ნამდვილად წაიკითხე თუ არა ის ტექსტი, რომელიც არათუ წაგიკითხავს, არამედ გისწავლია, გიმსჯელია და მასზე დაგიწერია კიდეც სასკოლო თხზულება მაინც. ამ ტიპის წიგნების ერთ-ერთი სახეობაა „პარალელური წიგნი“, რომელიც იკითხება არა მხოლოდ ორიგინალთან ერთად, არამედ მთლიანად ცვლის ორიგინალის კითხვის კანონს.