სოფლის მეურნეობის სამეცნიერო-კვლევითმა ცენტრმა, COP17-ის ფარგლებში, მცენარეთა გენეტიკური რესურსების დაცვის სფეროში საქართველოს გამოცდილება წარმოადგინა
ერევანში, ბიოლოგიური მრავალფეროვნების შესახებ კონვენციის (CBD) მხარეთა კონფერენციის მე-17 შეხვედრის (COP17) ფარგლებში, სოფლის მეურნეობის სამეცნიერო-კვლევითი ცენტრის დირექტორმა, მცენარეთა გენეტიკური რესურსების ეროვნულმა კოორდინატორმა ლევან უჯმაჯურიძემ და ცენტრის სტანდარტების, სერტიფიცირების, დაგეგმვისა და ეკონომიკური ანალიზის სამსახურის უფროსმა, თესლის გენბანკის მენეჯერმა თამარ ჯინჯიხაძემ საერთაშორისო შეხვედრებსა და დისკუსიებში მიიღეს მონაწილეობა.